Dick Cheney, ish-zvpresidentii SHBA-së dhe figurë kyçe pas pushtimit amerikan të Irakut në 2003, ka ndërruar jetë në moshën 84-vjeçare. Familja e tij bëri të ditur se Cheney vdiq më 3 nëntor nga komplikimet e pneumonisë dhe problemet kardiake.

Ai ka qenë një nga nënpresidentët më të fuqishëm në historinë amerikane, sipas historianëve. Cheney filloi karrierën politike si kongresist i Uajominut dhe më pas u bë Sekretar i Mbrojtjes. Në vitin 2000, George Ë. Bush e zgjodhi si partner për garën presidenciale, të cilën Bush e fitoi.

Gjatë mandatit të tij nga 2001 deri më 2009, Cheney punoi për zgjerimin e kompetencave të presidentit, duke argumentuar se ato ishin tkurrur pas skandalit Ëatergate. Ai gjithashtu e fuqizoi rolin e nënpresidentit duke udhëhequr ekipin e sigurisë kombëtare, i cili shpesh shërbente si qendër vendimmarrjeje brenda administratës.

Cheney mbështeti fuqishëm pushtimin e Irakut dhe paralajmëroi për armët e dyshuara të shkatërrimit në masë, të cilat më pas nuk u gjetën. Ai njihej për ndikimin e madh në politikën e jashtme dhe strategjitë ushtarake të SHBA-së.

Probleme të zemrës e shoqëruan gjatë gjithë jetës, me sulmin e parë në moshën 37-vjeçare. Në vitin 2012, ai iu nënshtrua një transplanti të zemrës. Vdekja e tij mbyll një kapitull të rëndësishëm të politikës amerikane dhe historisë moderne.

Gazetar: A. Mata

/rtsh.al/