Lewis Hamilton ka arritur të fitojë dhe në Bahrein, në garën e tretë nga fundi për sezonin 2020 të Formula 1. Anglezi i Mercedes, në triumfin numër 95 të karrierës së tij, paraprinë dy Red Bull të Max Verstappen dhe Alexander Albon. Pastaj, dy McLaren të shkëlqyer të Lando Norris dhe Carlos Sainz. Ferrarit në një ditë të zezë, me Charles Leclerc të dhjetin dhe Sebastian Vettel të 13-in. Mrekulli në xhiron e parë për Romain Grosjean, i cili doli i gjallë nga një aksident i frikshëm në të cilin Haas i tij u nda në dy pjesë dhe  mori flakë.

Fitorja e Hamilton padyshim që zë vendin e dytë, krahasuar me momentin e terrorit që ka përjetuar piloti francez, i cili u përplas në barrierat mbrojtëse, “ndihmuar” dhe nga AlphaTauri i Dani Kvyat(francezi u kthye në të djathtë, mbase për të parakaluar, por kishte një kontakt me makinën e rusit, që duket i pafajshëm në këtë aksident).

Haas i tij goditi barrierat në një kënd praktikisht të përparmë, u këput në dy pjesë dhe mori flakë. Për fat të mirë, shoferi mbeti i vetëdijshëm, hoqi rripat e sigurimit në mes të flakëve dhe, menjëherë, i ndihmuar nga rojet me fikëse zjarri, doli nga kabina, i tronditur dukshëm.

Një mrekulli, sipas raporteve të para, vetëm disa djegie dhe një frakturë në brinjë (u dërgua në spital për ekzaminim).