Një 51-vjeçar është arrestuar në Mat pas 6 vitesh në kërkim për kultivim kanabisi. 51-vjeçari Shpëtim L. ishte dënuar në 2016 më 8 vite burg në mungesë për kultivim kanabisi.

Në 2016 në fshatin Rremull, 51-vjeçarit iu gjetën 4020 bimë kanabisi të kultivuara dhe 3 tonë lëndë narkotike kanabis në proces tharjeje.

Gjatë operacionit, në fshatin Rremull, u zbuluan katër parcela me 4020 bimë cannabis sativa, ndërsa në afërsi të banesës së 51-vjeçarit, në një përrua, u konstatua një hangar i ndërtuar me shtylla druri brenda të cilit kishte të varura, për t’u tharë, një sasi degësh të bimës cannabis sativa.

Gjithashtu, 100 metra më lart, tek një banesë e pabanuar që administrohej nga 51-vjeçari u gjet një sasi tjetër degësh të bimës narkotike kanabis që ishin vendosur për t’u tharë, me peshë totale 3052 kg.

Për këto Shpëtim L. u dënua me 8 vjet burgim, për veprat penale “Prodhimi dhe shitja e narkotikëve” dhe “Kultivimi i bimëve narkotike”.

Materialet procedurale i kaluan Prokurorisë Mat, për veprime të mëtejshme.

/rtsh.al/