Në një lidhje në SKYPE për emisionin ‘3D’ në RTSH, ish ambasadori Agim Nesho deklaroi se samiti po zhvillohet në një periudhë të rëndësishme për zhvillimet e Evropës dhe Ballkanit. Gjithashtu ish ambasadori Nesho theksoi se Rusia ka projektuar Ballkanin si një nga pikat e saj të reja për të krijuar një diversion në Evropë.

“Ky samit është zhvilluar në një periudhë tepër të rëndësishme për zhvillimet e Evropës, të Ballkanit kur dimë nga një anë që intensiteti i veprimeve të forcave revizioniste siç është Rusia e ka projektuar Ballkan të jetë një nga pikat e saj të reja për të krijuar një diversion në zemër të Evropës nga ana tjetër kemi parë që Bashkimi Evropian ka qenë shumë kritik me Serbinë për mos vendosjen e sanksioneve ndaj Rusisë, për zgjedhjet që treguan në një fare mënyrë se edhe pse Serbia është vend kandidat për në BE nuk ka standardet e duhura për të respektuar ato principe dhe vlera të shoqërisë evropiane”, tha ish ambasadori Nesho.

/rtsh.al/