Nis rikonstruksioni i rrugës Rrëshen-Bukëmirë, u dëmtua nga reshjet dhe rrëshqitjet e dherave

Sociale | 4 vite më parë

Një pjesë e segmentit të rrugës nga qyteti i Rrëshenit deri në fshatin Bukëmirë pësoi dëmtime nga reshjet e ditëve të fundit.

Prurjet e shumta nga rrëketë e ujërave dëmtuan në disa pjesë trasenë duke sjellë probleme në lëvizjen e automjeteve dhe duke paralizuar qarkullimin e rreth 6 mijë banorëve të kësaj zone.

Bashkia e Mirditës në bashkëpunimin me kompaninë e ndërtimit të rrugës ndërhynë për pastrimin e rrugës nga dherat dhe riparimin e pjesëve të dëmtuara.

Puna për riparimi e dëmeve pritet të zgjasë dy muaj, ku ekspertët po punojnë për vepra që kanë synim mbrojtjen e brezit malor, vendosjen e turbinave dhe mënjanimin e rrëkeve të ujërave, për të garantuar lëvizjen lirshëm të automjeteve në këtë aks rrugor.

Rruga Rrëshen-Bukëmirë është ndërtuar në vitin 2017 nga kompania që shfrytëzon HECI-in në këtë zonë.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.