Nis sezoni turistik në Shëngjin, fluks turistësh gjatë gjithë fundjavës

Sociale | 3 vite më parë

Shëngjini është një nga zonat më të lakmuara për turizimin në vend. Temperaturat e larta kanë favorizuar admiruesit e kësaj zone, për ta frekuentuar atë masivisht edhe këtë fundjavë.

Moti i qëndrueshëm ka nxitur jo vetëm vizitorët ditorë t’i drejtohen Shëngjinit, por disa të tjerë, të nisin që këtë muaj periudhën e pushimeve.

Më besnikët e Shëngjinit vijojnë të jenë shqiptarët e Kosovës. Ata thonë se Shëngjiti i përmbush pritshmëritë e tyre.

Infrastruktura, ushqimi, akomodimi në hotele sikundër qetësia që gjejnë, janë kriteret kryesore që përzgjedhin Shëngjinin si destinacionin e tyre të parë.

Operatorët turistikë thonë se kanë nisur prenotimet për muajt e verës. Krahas pushuesve shqiptar janë dhe shumë të huaj, që kanë zgjedhur Shengjinin për të kaluar pushimet e tyre verore.

Gazetare: Anisa Kadesha

RTSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.