Sipas raportimeve të medias amerikane, një burrë i vuri flakën vetes në një park përballë gjykatës në Nju Jork, gjatë procesit penal në vazhdim të ish-presidentit Donald Trump.

Sipas ”New York Times” dhe CNN ”Burri derdhi një lëng mbi veten dhe u dogj”.

”Kalimtarët bërtitën dhe u përpoqën të ndihmonin”, bëjnë të ditur raportet nga vendngjarja.

Pas pak kohësh kanë mbërritur efektivët e policisë të cilët kanë shuar flakët.

Më pas burri u transportua në një ambulancë dhe u largua.

Fillimisht ishte e paqartë pse i vuri flakën vetes.

Ngjarja ka ndodhur në Collect Pond Park, pikërisht përballë gjykatës ku po zhvillohet aktualisht procesi penal i Trump.

Kundërshtarët dhe mbështetësit e Trump lejohen të mblidhen për demonstrata në park, por deri më tani vetëm disa e kanë bërë këtë në ditët e gjyqit.

Territori është i rrethuar me barrikada, por ka edhe hyrje të hapura.

 
/ rtsh.al /