“Një penel që s’di të ndalet”, është dokumentari më i fundit i realizuar nga Engjell Ndocaj. Në qendër të dokumentarit është personazhi Rahmi Dervishaj, një shofer i thjeshtë që me kalimin e viteve, timonin e ka zëvendësuar me penelin, pasi në prag pensioni iu zgjua dashuria për artet pamore.

Edhe pse në moshën 81-vjeçare, ai vazhdon ende në timon.

Tërë jetën ka punuar me kamione të rëndë, por këto 20 vitet e fundit kohën ia ka kushtuar pasionit të hershëm, pikturës.

Ai është historia e një dashurie për jetën që vazhdon e s’pyet për moshën ashtu si dhe peneli i tij që s’di të ndalet, duke realizuar edhe tri ekspozita.

Siç e pohon edhe ai vetë, natyra është frymëzim i artit të tij, pasi lindja, perëndimi i diellit dhe gjithçka që na rrethon, janë mbresat e një shoferi, sipas tij. 

Jeta dhe Arti i Rahmi Dervishaj, do të vijë premierë sonte në orën 20:30 në kanalin RTSH1HD.

Gazetare: Ornela Ceka

/RTSH/