Një vatër e re zjarri në Lushnjë, digjen tre magazina. Policia dhe zjarrfikësit në vendngjarje

Aktualitet | 3 vite më parë

Një zjarr i madh ka djegur tre ndërtesa që shërbenin si magazina dhe një automjet në fshatin Konjat të Lushnjës.

Nga flaket janë djegur edhe traversat e drurit të hekurudhës Dushkë – Fier.

Katër makina zjarrfikëse të Lushnjës, Fierit dhe Divjakës po përpiqen të vënë flakët nën kontroll. Dëme të shumta u janë shkaktuar banorëve të cilët kanë ndërtuar mbi kanalin kullues.

Sipas policisë dyshimet janë se vatra e zjarrit ka qenë në barishtet e thata të zonës.

Dikush ka dashur të pastrojë kanalin e më pas flakët kanë djegur pemët e pishave buzë aksit nacional Lushnje Rrogozhinë.

Era ka përhapur flakët duke e çuar drejt shtëpive të fshatit. Ndërkohë policia po punon për identifikimin e zjarrvënësit.

Gazetar O. Saraçi

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.