Në një intervistë regjistruar muajin e shkuar nga transmetuesi zvicerian RSI, Papa Francesku është shprehur se Ukraina duhet të ketë kurajon të ngrejë flamurin e bardhë dhe të negociojë dhënien fund të luftës me Rusinë.

Në intervistë, e cila do të transmetohet e plotë në datën 20 mars, Ati i Shenjtë u pyet për mendimin e tij në lidhje me debatin mes atyre që thonë se Ukraina duhet të dorëzohet pasi nuk ka qenë e aftë të zmbrapsë forcat ruse dhe atyre që thonë se duke u dorëzuar, legjitimohen veprimet e më të fortit.

Në pyetje, intervistuesi përdori termin flamur i bardhë.

“Mendoj se më i forti është ai që shqyrton situatën, mendon për popullin  tij dhe ka kurajon të ngrejë flamurin e bardhë dhe të negociojë, u shpreh Papa,  duke shtuar se “bisedimet duhet të zhvilloheshin me ndihmën e ndërkombëtarëve”.

Fjala negociatë është plot kurajo. Kur e sheh që je mposhtur dhe gjërat nuk po shkojnë mirë, duhet të kesh kurajon të negociosh, vijoi Ati I Shenjtë.  BE mësohet se kjo është hera e parë që Papa Francesku përdor fjalë të tilla si flamur i bardhë apo mposhtje në lidhje me luftën në Ukrainë, megjithëse në të shkuarën ka folur për nevojën për negociata.

Në një deklaratë, zëdhënësi i Vatikanit Matteo Bruni tha papa kishte përdorur termin flamur i bardhë të paraqitur nga intervistuesi për të treguar nevojën për të ndalur armiqësie për të arritur një armëpushim me kurajon e negociatave. 

“Ndoshta mund t’i vij turp përsa i përket negociimit, por sa të tjerë duhet të in në luftë? Mos kini ndrojë dhe turp nga bisedimet, u shpreh Ati i Shenjtë, i cili në pjesën e intervistës ku flitej për luftën mes Izraelit dhe Hamasit theksoi se të negociosh nuk do të thotë të dorëzohesh”. 

Muajin e shkuar, presidenti ukrainas Volodimir Zelenski bëri me dije se 31 mijë ushtarë ukrainas dhe dhjetëra mijëra civilë ishin vrarë që fillimi i pushtimit rus në shkurt të 2022-it

Gazetare: Elda Pepa

/rtsh.al/