Parlamenti bullgar miratoi të martën akademikun Nikollaj Denkov kryeministër, njofton Radio Bullgaria. 132 votuan “pro”, “kundër” 69, pa të abstenuar. Denkov mori mbështetje nga GERB-SDS (një “kundër”), PP-DB dhe DPS.

Struktura e kabinetit PP-DB dhe GERB-SDS u mbështet gjithashtu nga 132 deputetë, 69 ishin kundër dhe nuk pati asnjë abstenim. Mbështetje mori edhe përbërja e kabinetit. Deputetët miratuan riemërimin e Ministrisë së Bujqësisë në Ministrinë e Bujqësisë dhe Ushqimit. Kabineti me kryeministrin Nikollaj Denkov, i propozuar nga PP-DB, do të ketë vetëm një zëvendëskryeministër – Maria Gabriel, e propozuar nga GERB-SDS. Të dy do të shkëmbejnë postet e tyre me rotacion pas 9 muajsh. 

Ky është kabineti i parë në Bullgari me një kryeministër me rotacion.

Anëtarët e sapozgjedhur të Këshillit të Ministrave bënë betimin.

( Sipas Radio Bullgaria )