Parlamenti i Shqipërisë pritet sot (4 shtator) në orën 10:00 të hapë sesionin e ri plenar, i cili do të jetë i pesti gjatë kësaj legjislature të dhjetë.

Pas disa javëve pushim, shumica dhe opozita politike do të gjenden përballë njëra-tjetrës në seancën kryesisht “ceremoniale”.

Pak ditë më parë palët nuk ranë dakord për miratimin e programit dhe kalendarit të punimeve të Kuvendit, duke iu kaluar çështjen seancës.

Rendi i ditës parashikon miratimin e procesverbalit të datës 20 korrik 2023.

Ndër projektligjet e mbartura për diskutim janë:

• “Për disa shtesa dhe ndryshime në ligjin nr.74/2014, “Për armët”, të ndryshuar”;
• “Për disa shtesa dhe ndyshime në ligjin nr.113/2020, “Për shtetësinë”;
• “Për administrimin e objekteve të konfiskuara si ndërtime pa leje, me qëllim përdorimin e tyre për interes publik apo strehim social, si dhe zbutjen e pasojave sociale te shkaktuara”;
• “Për disa shtesa në ligjin nr. 9244, datë 17.6.2004, “Për mbrojtjen e tokës bujqësore”, të ndryshuar;
• “Për një ndryshim dhe disa shtesa në ligjin nr. 9632, datë 30.10.2006, “Për sistemin e taksave vendore”, i ndryshuar.

/rtsh.al/