Në kuadrin e përmirësimit të partneritetit SHBA-Shqipëri në mbrojtje dhe ndërveprimin e vazhdueshëm si aleatë në NATO, në Portin e Durrësit ka mbërritur për një vizitë të kualifikuar destrojeri i raketave “USS Ramage”, njofton Ambasada Amerikane në Tiranë. 

“Mirësevjen në Shqipëri USS Ramage! Destrojeri i raketave të komanduara i klasit Arleigh Burke USS Ramage (DDG 61) – pjesë e Carrier Strike Group (CSG) 12, Gerald R. Ford CSG, mbërriti në Durrës këtë javë për një vizitë portuale të planifikuar. Vizita në port ofron mundësinë për të përmirësuar partneritetin SHBA-Shqipëri në mbrojtje dhe ndërveprimin tonë të vazhdueshëm si aleatë në NATO”, thuhet në njoftimin e Ambasadës së SHBA-së.

Komandanti i “USS Ramage”, Tim Yuhas përshëndeti homologët e tij të marinës shqiptare në bordin e anijes.

Ai vuri në dukje se marrëdhënia me Shqipërinë është ndërtuar mbi një themel të vlerave, përvojave dhe vizionit të përbashkët.

/ rtsh.al /