Pasuri e ardhur nga krimi, konfiskohet apartamenti me vlerë 120 mijë euro në Lushnje në pronësi të 43-vjeçarit të dënuar për drogë

Aktualitet | 3 vite më parë

Një apartament me vlerë 120 mijë euro në pronësi të një dënuari për drogë është konfiskuar në Lushnje.

Apartamenti ishte në pronësi të 43-vjeçarit J.S, ndërsa sipas policisë “dyshohet se është përfituar nga veprimtari kriminale në fushat e narkotikëve dhe krimeve kundër personit, për të cilat 43-vjeçari ka qenë i dënuar”.

Vendimi për konfiskimin u morr nga Gjykata e Apelit Vlorë, dhe zbatimi i tij u bë nga policia.

Konfiskimi i apartamentit u bë në vijim të veprimeve të thelluara hetimore dhe procedurale të kryera në kuadër të një procedimi pasuror të iniciuar ndaj 43-vjeçarit.

Vijojnë hetimet intensive për evidentimin e pasurive të tjera në pronësi të këtij shtetasi dhe të shtetasve të tjerë të lidhur me të.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.