PD pa kandidat në Vorë, Kryesia nuk miratoi Ibrahim Brukën

Politikë | 4 vite më parë

Partia Demokratike nuk do të ketë kandidat për Bashkinë e Vorës për garën elektorale të 14 majit. Kandidatura e Ibrahim Brukës nuk është miratuar nga kryesia e PD-së për të marrë pjesë në zgjedhje.

Partia Demokratike me kryetar në detyrë Enkelejd Alibeaj ka dorëzuar mbrëmë në KQZ listat e kandidatëve për kryetar bashkie por dhe listat për këshilltarë të bashkive.

Në Tiranë PD kandidon me Roland Bejkon përballë Belind Këlliçit i dalë nga primaret e PD-së por që kandidon me vulën e Partisë së Lirisë, në emër të koalicionit “Bashkë Fitojmë”. Ndërsa në bashkitë Shkodër, Durrës, Vlorë, Berat, Elbasan, Lezhë, Gjirokastër dhe Peqin e Lushnjë do të garojë vetëm për këshilla bashkiakë. Ndërkohë kandidati i Korçës është tërhequr nga gara.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.