Pelegrinazh në Malin e Shenjtë të Tomorit, Kryegjyshi Botëror u drejtohet besimtarëve bektashinj

Sociale | 3 vite më parë

Mijëra besimtarë bektashi kanë nisur pelegrinazhin e tyre të përvitshëm në Malin e Shenjtë të Tomorit.

Në dy ditët e para të këtij pelegrinazhi, që do të zgjasë deri më 25 gusht, raportohet për një numër të lartë besimtarësh që kanë kryer ritualin e lutjeve, ndezjes së qirinjve apo edhe flijimit të kurbaneve.

Ajo që vihet re këtë vit është numri i lartë i besimtarëve të huaj që kryejnë pelegrinazhin. Përveç aspektit fetar, ngjitja dhe qëndrimi në Malin e Shenjtë po trajtohet edhe si një organizim kulturor, me aktivitete dhe koncerte, me pjesëmarrjen e artistëve të njohur shqiptarë.

Për mbarëvajtjen dhe parandalimin e trafikut policia ka angazhuar afro 100 efektivë që janë shpërndarë për të patrulluar në të gjithë aksin rrugor Çorovode-Kulmak.

Gazetar: Kreshnik Mersinllari

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.