Përfitoi nga amnistia, zgjat shumë pak liria për Sokol Sinomatin, arrestohet në Vlorë

Aktualitet | 3 vite më parë

Ka zgjatur vetëm pak orë liria për Sokol Sinomatin, i cili u lirua nga burgu i Fushë Krujës të mërkurën (24 prill) pasi përfitoi nga amnistia. Sinomati, i njohur me nofkën “buzëderri” u arrestua mbrëmjen e djeshme në hyrje të Vlorës, pasi rezulton i dënuar në Itali me 12v ite burg për trafik lëndësh narkotike. Në momentin e arrestimit, Sinomati ka qenë në shoqërinë e vëllait.

Sokol Sinomati është babai i 22-vjeçarit të ndjerë, Gëzim Sinomati, i cili u ekzekutua me snajper në Vlorë më 7 janar të këtij viti.

Vrasja e 22-vjeçarit nuk është zbardhur ende, teksa Policia ka vendosur një shpërblim prej 30 mijë eurosh për këdo që mund të japë informacion të vlefshëm që mund të çojë në identifikimin e autorëve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.