Përmbytjet në Slloveni, Begaj mesazh solidaritetit homologes Musar

Rajon | 3 vite më parë

Presidenti shqiptar Bajram Begaj ka shprehur solidaritetin e tij ndaj presidentes Nataša Pirc Musar dhe popullit të Sllovenisë, i cili ditë e fundit është të prekur nga përmbytjet katastrofike.

Zoti Begaj ka zhvilluar edhe një bisedë telefonike me zonjën Musar, për situatën e krijuar në Slloveni. Në një status në rrjetin social X, zoti Begaj shkruan se “Lutjet tona janë me ta gjatë kësaj kohë të vështirë. Shpresojmë për një rimëkëmbje të shpejtë!”.

Stuhi dhe reshje shiu të rrëmbyeshëm kanë shkaktuar përmbytje masive në disa zona të Sllovenisë. Deri më tani raportohet për 3 viktima si pasojë e motit të keq që pushtoi vendin, duke shkaktuar evakuime dhe mbyllje të rrugëve kryesore dhe linjave hekurudhore.

/ rtsh. al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.