Përplasi me makinë këmbësoren, duke tentuar të largohet aksidenton edhe një makinë, arrestohet 45-vjeçari në Vlorë

Aktualitet | 4 vite më parë

Një 45-vjeçar është arrestuar pasditen e kësaj të hëne (20 mars) në Vlorë, i akuzuar si autor i dy aksidenteve automobilistike. Nëpërmjet një njoftimi, Policia bën me dije se 45-vjeçari, duke drejtuar automjetin tip “Volkswagen”, në rrugën “Gjergj Kastrioti”, ka aksidentuar shtetasen I. S., rreth 66 vjeçe, këmbësore në rrugë.

Ai është larguar më pas nga vendi i aksidentit dhe ka vijuar lëvizjen, teksa pas disa metrash është përplasur me një automjet, ku për pasojë ka mbetur i plagosur shoferi, një 63-vjeçar.

Dy personat e plagosur janë dërguar në spital ku ndodhen nën kujdesin e mjekëve, teksa grupi hetimor po kryen veprimet e mëtejshme në lidhje me ngjarjen.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.