Debat i ashpër është zhvilluar sot në mbrëmje në studion e “3D”  ndërmjet deputetit demokratik Luan Baçi dhe juristes Brisida Gjikondi.

Gjikondi u shpreh se, deputeti i PD-së, Gazment Bardhi gjatë kohës që ka shkuar në Amerikë është ndjerë i eklipsuar nga mbështetësit e ish-kryeministrit Sali Berisha, të cilët e kanë etiketuar dhe si tradhtar.

“Deputeti Gazmend Bardhin është ndjerë i kompleksuar prej disa ditës nga Flamur Noka i cili me ironi ka thënë që “ ja t presim që të vi Bardhi dhe të shohim çdo vendosim për bashkimin me opozitën.   Vajtjen e Bardhit në SHBA , mbështetësit e Berishës e panë këtë si tradhtar”, u shpreh Gjikondi.

Ndërsa deputeti i PD-së , Baçi ka ndërhyrë direkt duke replikuar me Gjikondin.

Luan Baçi : në fakt në SHBA, deputeti Bardhi ka shkuar me gjithë miratimi e deputetëve të  Grupit Parlamentar. Gjikondi ka një mision dhe do e çoj deri në fund që të përçaj opozitën.

Brisida Gjikondi : Unë nuk kam asnjë mision. Mision keni ju dhe me vjen keq që gjithmonë jeni nën urdhërata e Berishës.  Ai ju drejton kur do protestoni, kur do hidhni karriget, dhe nuk mendoni për Shqipërinë. Në 2019 braktisët mandatet.

/rtsh.al/