Me afrimin e sezonit turistik Bashkia e Përrenjasit ka fokusuar punën e saj në mbështetje të sipërmarrjeve në fushën e agroturizimit.

Për kryetarin e bashkisë Nuri Belba synimi është angazhimi i sa më shumë të rinjve në sektorin e turizmit, duke i mbështetur ata me një fond te posaçëm.

Bashkia e Përrenjasit ka nisur punën në prag të sezonit turistik duke synuar lehtësimin e barrës fiskale për bizneset e  reja dhe ato ekzistuese që  mbulon kjo bashki.

Në  territorin  e  kësaj bashkie  numërohen 7 zona  turistike  ku një ndër më  të  veçantat  është  ajo  e  Bërzheshtës.

Belba  shprehet se  edhe bizneset  e  tjera  të  vogla  do  të përfitojnë nga  ulja  e  taksave

Gjatë  vitit  të  kaluar  në  territorin  e  bashkisë  u  hapën  12  biznese  të  reja. Këtë  vit  ky  numër  pësoi  një  ulje  ku  u  hapen  vetëm  4 biznese  të  reja dhe u  mbyllën 7 biznese  kryesisht për shkak te krizës.

/rtsh.al/