Rusia riafirmoi bashkëpunimin e saj të ngushtë me Korenë e Veriut.

Kjo u konfirmua gjatë një vizite të ministrit të jashtëm të Koresë së Veriut Choe Son Hui në Moskë.

“Ne kemi thënë vazhdimisht, dhe jam gati ta ritheksoj, se Koreja e Veriut është një partner i rëndësishëm për ne dhe ne synojmë të forcojmë marrëdhëniet në të gjitha fushat, përfshirë ato të ndjeshme”, theksoi zëdhënësi i Kremlinit Dmitry Peskov.

Ministri Choe Son Hui u takua të martën me homologun rus Sergei Lavrov dhe më pas me presidentin Vladimir Putin.

Peskov tha vetëm se ”takimi me Putinin kishte të bënte me marrëdhëniet dypalëshe në përgjithësi, si dhe situatën në Gadishullin Korean”.

Lidhjet e thelluara midis Moskës dhe Phenianit shihen me dyshim dhe shqetësim jashtë vendit.

Koreja e Veriut besohet se ka furnizuar Rusinë me municione, përfshirë raketa balistike, për luftën e saj kundër Ukrainës. 

/ rtsh.al /