Pistoletë dhe municion luftarak në makinë, arrestohet 30-vjeçari në Lushnje

Aktualitet | 3 vite më parë

Një 30-vjeçar ka rënë në pranga të policisë së Lushnjes pasi qarkullonte me armë zjarri me vete.

Gjatë kontrollit, në makinën e tij tip “Benz” në të cilin udhëtonte u gjendën 1 pistoletë, 1 krehër me 7 fishekë dhe 1 thikë, të cilat u sekuestruan në cilësinë e provës materiale nga policia.

Shtetasi M. P., 30 vjeç, banues në Patos, rezulton i dënuar më parë për vrasje në rrethana të tjera cilësuese.

“Në vijim të veprimeve, specialistët për Hetimin e Krimeve të Komisariatit të Policisë Lushnjë arrestuan në flagrancë shtetasin M. P., 30 vjeç, banues në Patos, i dënuar më parë për vrasje në rrethana të tjera cilësuese”, thuhet në njoftim e policisë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.