Po transportonte 13 emigrantë të paligjshëm kundrejt pagesës, arrestohet 19-vjeçari nga Lushnja

Aktualitet | 3 vite më parë

Policia e Gjirokastrës ka vënë në pranga një 19-vjeçar i cili transportonte 13 emigrantë të paligjshëm për të kaluar kufirin, kundrejt pagesës.

Blutë e Gjirokastrës sqarojnë se 19-vjeçari L.S., banues në Lushnje, u kap në flagrancë në aksin rrugor nacional Gjirokastër-Tepelenë, në vendin e quajtur “Ura e Leklit”, duke transportuar me automjet 13 emigrantë nga vendet MENA, të cilët kishin si qëllim kalimin e paligjshëm të kufirit.

Efektivët kanë sekuestruar automjetin tip “Benz Vito”, dhe 1 aparat celular.

“L. S., 19 vjeç, banues në Lushnjë u kap në flagrancë nga shërbimet e Policisë, në aksin rrugor nacional Gjirokastër-Tepelenë, në vendin e quajtur “Ura e Leklit”, duke transportuar me automjetin tip “Benz Vito”, 13 emigrantë nga vendet MENA, të cilët kishin si qëllim kalimin e paligjshëm të kufirit”, thuhet në njoftimin e policisë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.