Policia aksion në Krujë, Lezhë e Shkodër, asgjësohen 1099 fidanë kanabis

Aktualitet | 3 vite më parë

Policia ka asgjësuar 1099 fidanë kanabisi, pas kontrolleve në Krujë, Lezhë e Shkodër, në kuadër të fazës së 7-të të operacionit anti-kanabis të koduar “Territor i pastër”.

Në Krujë, gjatë kontrolleve në zona të pyllëzuara të fshatrave Brret dhe Fushë Madhe, u gjetën 794 fidanë kanabis, në Lezhë gjatë kontrolleve në territorin e fshatit Zimaj, u gjetën 200 fidanë kanabis, ndërsa në Shkodër, gjatë kontrolleve në territorin e fshatit Vukpalaj, u gjetën 105 fidanë kanabis.

Nga aksioni nuk pati asnjë person të arrestuar, ndërsa Policia sqaron se vijojnë veprimet hetimore me qëllim përcaktimin e autorësisë së këtyre rasteve të kultivimit të bimëve narkotike.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.