“Policia e Shtetit vijon goditjen e grupeve kriminale”, ministri Balla: 15 të arrestuar ose të proceduar në 24 orë

Aktualitet | 3 vite më parë

Ministri i Brendshëm, Taulant Balla, ka vijuar dhe sot të publikojë shifrat e të arrestuarve nga Policia e Shtetit në 24 orët e fundit.

Në një postim në rrjetet sociale, Balla bën me dije se Policia e Shtetit vijon goditjen e grupeve kriminale të përfshira në kultivimin, trafikimin/shpërndarjen e lëndëve narkotike dhe të personave që zotërojnë armë.

Në kuadër të operacioneve kombëtare të ndërmarra kohët e fundit në të gjithë territorin e vendit, sikurse janë “Sundimi i Ligjit” dhe “Tempulli” gjatë 24 orëve janë arrestuar ose proceduar 15 shtetas në Vlorë, Dibër, Tiranë Durrës, Kukës e Shkodër.

“Policia e Shtetit vijon goditjen e grupeve kriminale të përfshira në kultivimin, trafikimin/shpërndarjen e lëndëve narkotike dhe të personave që zotërojnë armë. Falë operacioneve kombëtare “SUNDIMI I LIGJIT” dhe “TEMPULLI” gjatë 24 orëve të fundit janë 15 shtetas të arrestuar/të proceduar në Vlorë, Dibër, Tiranë Durrës, Kukës e Shkodër”, evidenton ministri Balla.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.