Pompeo vizitë zyrtare në Gjeorgji

Botë | 6 vite më parë

Sekretari amerikan i Shtetit, Mike Pompeo shprehu sot mbështetjen e tij për “sovranitetin” e Gjeorgjisë, në një kohë kur Rusia po shtrin influencën e saj në Kaukaz, si dhe për institucionet gjeorgjiane të goditura nga një krizë post-zgjedhore. Kreu i diplomacisë amerikane u takua në Tbilisi me presidenten, Salome Zourabichvili, kryeministrin, Guiorgui Gakharia dhe ministrin e Punëve të Jashtme, David Zalkaliani. “Sekretari amerikan i Shtetit dëshiron të nënvizojë mbështetjen për sovranitetin e Gjeorgjisë”, theksoi për gazetarët që e shoqëronin një zyrtar i lartë amerikan, duke kujtuar se 20% e vendit është i pushtuar nga rusët, duke iu referuar rajoneve separatiste të Abkhazisë dhe Osetisë së Jugut.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.