Projektbuxheti 2024 drejt votimit në parlament

Ekonomi | 3 vite më parë

Në parlamentin shqiptar Komisioni i Ekonomisë dhe Financave miratoi në parim projektbuxhetin e vitit 2024, për ta dërguar për votim në Parlament.

Buxheti prej 7 miliardë dollarësh, u miratua me 10 vota pro nga deputetët e maxhorancës dhe një votë kundër që ishte ajo e deputetit Edmond Spaho, i cili ishte i vetmi nga opozita që mori pjesë në komision.

Relatorja e projektbuxhetit deputetja socialiste Antoneta Dhima, foli mbi projeksionin në rritje të finacimit për gjithë sektorët nga ky buxhet.

Buxheti parashikon afro 200 milionë euro për rritjen e fondit të pagave. Të ardhurat totale të buxhetit të shtetit parashikohen të arrijnë 674.7 miliardë lekë. Ndërsa financimi i investimeve publike të programuara për vitin 2024 do të jetë 5.3% e PBB-së.

Gazetare Teuta Shamku

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.