Projekti rajonal “Porta e Alpeve”, infrastruktura e Plazhit të Velipojës në fokus të Bashkisë së Shkodrës

Sociale | 3 vite më parë

Bashkia e Shkodrës bëri të ditur se po punon për projektin rajonal “Porta e Alpeve”.

Ai synon përmirësimin e jetës së banorëve dhe zhvillimin ekonomik të zonave turistike.

Në fokus është vendosur edhe Plazhi i Velipojës, një nga pikat kryesore turistike të qytetit.

Nënkryetari i Bashkisë Shkodër, Onid Bejleri, tha se “Plazhi i Velipojës është një thesar i pasur natyror dhe kulturo-historik, dhe me këtë plan synojmë të krijojmë një infrastrukturë të përshtatshme që do të mundësojë një turizëm dhe shfrytëzim të territorit të qëndrueshëm gjatë gjithë vitit”.

“Diskutimet dhe rekomandimet nga grupet e interesit janë çelës për hartimin e këtij plani strategjik. Me një angazhim të përbashkët, pritet që Planin e 1-rë të Lëvizshmërisë Urbane të fillojë të zbatohet brenda 6 muajve”, tha Bejleri.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.