Punimet tradicionale karakteristike të Gjirokastrës nuk po tërheqin vëmendjen e të rinjve. Prej më shumë se 4 dekadash artizania, Leonora Cici ushtron mjeshtëritë tradicionale të punimeve me grep dhe qëndistarisë.

Ajo, nëpërmjet një rrëfimi për mikrofonin e RTSH shprehet se ka nisur punimet që në moshën 17 vjeçare, duke e perfeksionuar në ish-ndërmarrjen artistike duke e kultivarët më pas gjatë viteve të para të tranzicionit në një punishte qëndistarie.

Lola, siç e thërrasin të njohurit e saj, prej disa vitesh ka çelur biznesin e saj në zonën e Pazarit karakteristik, ku ekspozon punimet e realizuara me shumë finesë dhe fantazi nga duart e saj.

Ajo shprehet se, këto punime kanë ngjallur mjaft interes nga vizitorët dhe preferojnë të gjitha llojet e punimeve përfshirë dhe kostumet.

Lola thotë se, për realizimin e një punimi i duhet kohë ndërsa pohon se, interesi nga ana e të rinjve për të ushtruar e kultivuar këto zanate kanë shënuar rënie dhe duhet me doemos që këto tradita të përcillen me qëllim të mos humbasin.

/rtsh/