Pushuesit i drejtohen bregdetit të Durrësit, frekuentohen plazhet në ditët e nxehta të korrikut

Sociale | 3 vite më parë

Për t’ju larguar temperaturave të larta, qindra-mijëra pushues kanë vërshuar drejt plazheve të Durrësit. E gjithë vija bregdetare është mbipopulluar nga pushues vendas por edhe të ardhur kryesisht nga Kosova dhe Maqedonia.

Pushuesit thonë se deti mbetet alternativa më e mirë për tu freskuar në këto ditë nxehta korriku.

Pushues konstatojnë se infrastruktura në bregdetin e Durrësit është përmirësuar dukshëm këtë vit, por çmimet thonë se kanë pësuar një rritje te dukshme krahasuar me vitin kaluar.

Fluksi i pushuesve ka lënë të kënaqur edhe operatorët turistikë të cilët shprehen që ky sezon po sjell më shumë turistë se i kaluari.

Gazetare: Keti Toroveci

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.