Qarkullonte me armë dhe municion luftarak, arrestohet 34-vjeçari në Vlorë

Aktualitet | 3 vite më parë

Një 34-vjeçar është arrestuar nga Policia e Vlorës pasi qarkullonte me armë pa leje.

Policia e Vlorës në bashkëpunim me forcat “Shqiponja”, kanë ndaluar 34-vjeçarin teksa ky i fundit lëvizte i armatosur në lagjen “29 Nëntori”.

Gjatë kontrollit fizikt të tij, iu gjet pistoletë me krehër dhe municion luftarak të cilat u sekuestruan në cilësinë e provës materiale.

“Shërbimet e Komisariatit të Policisë Vlorë, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e siguruara në rrugë operative se një shtetas, në lagjen “29 Nëntori”, lëvizte i armatosur, kanë organizuar dhe finalizuar operacionin policor të koduar “Strike 6”, në kuadër të të cilit u bë arrestimi në flagrancë i shtetasit: -S. S., 34 vjeç, banues në Vlorë”, thuhet në njoftim.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.