Rama: 300 mijë pasagjerë në 10 ditët e para të nëntorit në Aeroportin Ndërkombëtar të Tiranës

Aktualitet | 1 minutë më parë

Aeroporti Ndërkombëtar i Tiranës vijon të regjistrojë shifra rekord të udhëtarëve. Vetëm në 10 ditët e para të muajit nëntor, në aeroport kanë udhëtuar rreth 300 mijë pasagjerë. Lajmi është bërë i ditur nga Kryeministri Edi Rama përmes rrjetit social Facebook i cili thekson se paralelisht me rritjen e fluksit të udhëtarëve vijojnë edhe punimet për zgjerimin e aeroportit, me synimin për të përballuar një numër edhe më të madh pasagjerësh në të ardhmen.

Punimet po zhvillohen gjatë orëve të natës, ndërsa përfundimi i tyre pritet më 27 nëntor.

“Mirëmëngjes dhe me shifrat rekord të Aeroportit Ndërkombëtar të Tiranës, ku vetëm në 10 ditët e para të nëntorit kanë fluturuar 300 mijë pasagjerë, ndërkohë që punimet për zgjerimin e aeroportit, për të pritur një fluks edhe më të madh udhëtarësh, vijojnë gjatë natës dhe pritet të përfundojnë më 27 nëntor, ju uroj një ditë të mbarë”, shkruan Rama.


/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme