Rama: 816 infermierë janë punësuar me meritë vetëm gjatë këtij viti

Aktualitet | 3 vite më parë

816 infermierë dhe profesionistë të Shkencave Mjekësore Teknike janë punësuar gjatë këtij viti në qendra shëndetësore dhe spitale. Kryeministri Edi Rama shprehet se punësimi i tyre ka ndodhur me meritë, përmes portalit online “Infermierë për Shqipërinë”.

Ndërkohë në këtë portal kanë aplikuar gjithashtu mbi 2500 profesionistë të shkencave mjekësore teknike.

“Mirëmëngjesi dhe me lajmin e mirë se 816 infermierë dhe profesionistë të Shkencave Mjekësore Teknike janë punësuar me meritë vetëm gjatë këtij viti, përmes portalit online “Infermierë për Shqipërinë”, në qendra shëndetësore dhe spitale, nga veriu në jug, për të shërbyer sa më pranë komunitetit, ju uroj një ditë të mbarë”, shkruan Rama në rrjetin social Facebook.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.