Kryeministri Edi Rama, njëherësh edhe kreu i Partisë Socialiste, ka mbledhur në selinë rozë Kryesinë e partisë.

Mësohet se në këtë takim po marrin pjesë edhe drejtuesit e qarqeve, ndërsa në fokus të diskutimeve është organizimi i partisë.

Në një lidhje të drejtpërdrejtë, gazetarja Denada Shkodrani ka zbuluar detaje në lidhje me qëllimin e kësaj mbledhje që po zhvillohet në selinë rozë të PS-së.

Takimi mësohet se lidhet me organizimin e brendshëm të partisë, pasi në pranverë PS-ja të zhvillojë zgjedhjet për strukturat e reja drejtuese.

“Ky proces do të fillojë me zgjidhjen e drejtuesve në strukturat lokale në të gjithë vendin, për t’u përmbyllur më pas me zgjedhjen e Kryesisë së re të PS-së. Është një punë që PS e zhvillon sistematikisht gjatë këtyre viteve përgjatë gjithë kohës së qëndrimin të saj në pushtet… i shërben jo vetëm zgjedhjeve të ardhshme, por edhe trajtimit të gjithë problematikave që vihen re nga qytetarët,” u shpreh gazetarja Shkodrani.

Ndër të tjera, zbulohet se në këtë takim përveç anëtarëve të Kryesisë së PS-së marrin pjesë edhe disa ministra të kabinetit qeveritar, si Taulant Balla, Arbjan Mazniku, Albana Koçiu, Ogerta Manastirliu, si dhe kryetari i Bashkisë së Tiranës, Erion Veliaj.

/rtsh.al/