Spiali i ri intern në korpusin spitalor të Traumës është drejt përfundimit. Kështu ka deklaruar Kryeministri Edi Rama teksa ka publikuar pamjet në rrjetin social Facebook.

Ky spital i ri intern do të shërbejë për mjekësinë e brendshme dhe sikurse thotë kreu i qeverisë “do të bëni për herë të parë një qendër konsultash të dedikuar”.

“Mirëmëngjes dhe me Spitalin e Ri Intern ne korpusin spitalor te Traumes tani drejt përfundimit, rindërtuar me standardet më të mira do të shërbejë për mjekësinë që është e brendshme dhe do të bëni për herë të parë një qendër konsultash të dedikuar, ju uroj një javë të mbarë”, shkruan Rama.

Spitali i ri i Sëmundjeve të Brendshme në Spitalin Universitar të Traumës është një tjetër investim në kantierin e shëndetësisë. “Spitali i ri i Sëmundjeve të Brendshme, në Spitalin Universitar të Traumës dhe ura lidhëse që po ndërtohet është një tjetër investim që vijon me ritme shumë të mira në kantierin e shëndetësisë, që nuk ndalet nga veriu në jug”, ka deklaruar Rama në janar.

/rtsh.al/