Real Madrid mbetet në krye të klasifikimit në La Liga falë fitores 3-1 ndaj Sevillas. Edhe një herë, ndryshimet e bëra në pjesën e dytë nga Carlo Ancelotti ishin vendimtare. Skuadra vendase e nis shumë mirë dhe pas vetëm 5 minutash lojë zhbllokoi ndeshjen me Modric. Blancos  janë përsëri të rrezikshëm me Alaba në 19′ dhe me Vinicius Junior në 25′. Sevilla përpiqet të përgjigjet me Lamelën, por në pjesën më të madhe lufton për të kaluar gjysmën e saj të fushës. Në finale të pjesës së parë, përsëri Modric përpiqet të gjejë dopietën personale.

 Në pjesën e dytë shohim një Sevilla të re: miqtë shtyjnë dhe rezultati barazohet në minutën e 54-të. Montiel me një kryevepër të vërtetë i shërben Erik Lamelës që mund Courtois. 1-1 në Santiago Bernabeu. Ancelotti ndryshon dhe nga pankina në minutën e 82-të fut Lucas Vazquez. Spanjolli është vendimtar vetëm dy minuta pas hyrjes së tij në fushë.

Një kundërsulm i shpejtë nga vendasit me Asensio që bashkëpunon me Vinicius, i cili nga ana e tij i shërben Vazquez: ballë për ballë me Bono nuk gabon. Reali kthehet në epërsi. Dy minuta më vonë është Valverde ai që firmos për 3-1. Real Madrid mund të festojë në bilbilin e fundit dhe me tri pikët e fituara përkohësisht shkon në +6 ndaj Barcelonës.