Reforma Zgjedhore, Basha: Vlerësoj thirrjen e OSBE/ODIHR, t’i jepet fund lojërave politike

Politikë | 3 vite më parë

Kryetari i Partisë Demokratike Lulzim Basha ka vlerësuar thirrjen dhe qëndrimin e Misionit të OSBE/ODIHR në Tiranë për nevojën e menjëhershme të nisjes nga puna të Reformës Zgjedhore.

Me anë të një postimi në rrjetin social Facebook, Basha u ka bërë thirrje palëve politike që t’u japin fund lojërave për interesa vetjake me qëllim bërjen e një Reforme Zgjedhore gjithëpërfshirëse dhe në përputhje me pritshmëritë e qytetarëve shqiptarë.

“Vlerësoj thirrjen dhe qëndrimin e OSBE/ODIHR për nevojën e menjëhershme të fillimit të punës për Reformën Zgjedhore. I bëj thirrje të gjitha palëve të ndalin lojërat politike për interesa vetjake dhe të nisim punën gjithpërfshirëse për t’u dhënë shqiptarëve një Reformë Zgjedhore në përputhje me pritshmëritë dhe aspiratat e tyre”, shkruan Basha.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.