Regjistri i adresave/ Ministria e Brendshme gati projektligjin për unifikim, pritet kalimi në Qeveri

Aktualitet | 3 vite më parë

Brenda këtij viti Ministria e Brendshme do t’i kërkojë Këshillit të Ministrave që të kalojë përmes një VKM-je të posaçme projektligjin për Gjendjen Civile dhe sistemin e adresave, përmes të cilit synon standardizimin dhe unifikimin e regjistrit të adresave.

Për të gjithë ata qytetarë, të cilët kanë problematika sa i përket sistemit të adresave, ata kanë mundësinë që të deklarojnë të dhënat në e-Albania, pasi nëse nuk deklarojnë adresën do t’ju ndalohet shërbimi në Gjendjen Civile.

Adresën duhet ta deklarojnë dhe ata që jetojnë jashtë vendit. Çdo person që ndryshon adresë duhet ta deklarojë atë online brenda 30 ditësh.

Institucionet, me miratimin e këtij projektligji, pritet të kenë një sistem adresash unik dhe i gjithë projekti pritet të mbyllet Brenda vitit 2024.

Gazetare: Flutura Tota

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.