Reshjet e borës në Korçë, 12 borëpastruese e fadroma në terren për pastrimin e rrugëve

Sociale | 6 vite më parë

Ekipet e punës në bashkinë Korçë vazhdon pastrimin e rrugëve në akset kryesore dhe zonat rurale, për të normalizuar situatën e shkaktuar nga reshjet e dëborës.

Bashkia Korçë, bën të ditur se 12 borëpastruese, fadroma, kamiona që përdoren për hedhjen e kripës dhe 300 punonjës kanë qenë në gatishmëri të plotë, 24 orë në shërbim të banorëve në qytet dhe në fshat. 130 ton kripë dhe skorje janë përdorur këto tre ditë në të gjithë bashkinë Korçë.

Ndërsa të gjitha rrugët kryesore në qytet dhe akset Voskopjë, Dardhë, Dvoran, Vithkuq, Bulgarec, Lekas, Drenovë, Voskop janë të kalueshme. Ndërkohë puna vazhdon në rrugët dytësore.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.