Reshjet e dëborës sjellin defekte, OSSH ndërhyn në zonat e Veriut dhe Juglindjes

Aktualitet | 3 vite më parë

OSSH kanë ndërhyrë të shtunën për riparimin e defekteve në rrjetin elektrik në zonat e Veriut dhe Juglindjes, njoftoi Belinda Balluku, zëvendëskryeministre dhe ministre e energjitikës dhe infrastrukturës.

Që prej mëngjesit të së shtunës kryesisht zonat e Veriut dhe Juglindjes, janë përfshirë nga reshje dëbore dhe erëra të forta.

Pavarësisht kushteve të vështira të motit, grupet e punës së OSSH kanë ndërhyrë për riparimin e defekteve në rrjetin 💡elektrik.

Rajoni i Korçës është stabilizuar, po ashtu edhe Kukësi dhe zonat përreth.

Në disa zona punonjësit e OSSH po vijojnë punën me ritme të kushtëzuara nga moti, në zbatim të sigurisë teknike.

Linjat 35kV dhe rrjeti që furnizon hidrovoret apo institucionet e rëndesisë së veçantë janë në funksion të plotë, përfundon njoftimin zonja Balluku.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.