Kryetari i Partisë së Lirisë, Ilir Meta në një konferencë për media ka reaguar pas deklaratave të Kryeministrit Rama për rikthimin e basteve online. Meta tha se Rama synon vendosjen e monopolit për familjen dhe klientelën e tij.

“Është një delenxhi që me shqetësimin për të ruajtur familjet e shqiptarëve nga këto aktivitete kriminale vendosi atëherë mbylljen e basteve dhe tani gjen gjoja një alibi për të ndihmuar sportin. Do të vendosë monopolin për familjen e tij dhe klientelën e tij. Mendon se do luaj bixhoz me të ardhmen e popullit”, tha Meta. Kreu i Partisë së Lirisë bëri publike dhe një video të Ramës teksa citonte Kuranin.

”Është një sfidë që e ndalon Kurani. Po, e ndalon. Jo, unë nuk e kam bërë (ndalimin e bixhozit) për shkak të Kuranit, por e ndalon Kurani. E thotë bukur, nuk e mbaj mend saktësisht, e thotë një verset i Kuranit”, ka theksuar Rama para disa vitesh ne një emision”, tha Meta.

/rtsh.al/