Rikrijimi i Titanikut në Belfast, 950 dronë ndriçojnë portin për fushatën “Made Of Here” të BBC

Europë | 7 muaj më parë

Kryeqyteti i Irlandës së Veriut, Belfast, ka rikrijuar Titanikun, jo mbi ujë, por në qiell. Një flotilje prej 950 dronësh u përdorwn për të formuar siluetën e famshme të anijes në port, duke shënuar fillimin e fushatës “Made Of Here” të BBC-së.

E frymëzuar nga seriali “Titanic Sinks Tonight”, i prodhuar nga Stellify Media, ky instalacion ajror ka për qëllim të festojë qytetet dhe komunitetet që kanë inspiruar shumë nga programet më të njohura të BBC-së. Projekti u realizua nga ekipi krijues i BBC-së në Irlandën e Veriut, dhe pamjet do të ndahen edhe në mediat sociale dhe YouTube.

Simon Young, kreu i BBC Factual Commissioning, e përshkroi këtë projekt si një mënyrë të përshtatshme për të rikujtuar një nga anijet më të famshme në histori dhe për të treguar fuqinë e rrëfimit të BBC-së në komunitetet lokale.

/rtsh.al/

Irlanda e Veriut

titaniku

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.