Ambasadori Luigji Soreka do të rikthehet në krye të delegacionit të Bashkimit Europian në Tiranë, ditën e parë të vjeshtës, deri në ardhjen e shefit të ri të delegacionit.

Soreca ka shërbyer si ambasador në Shqipëri në shtator të vitit 2018 deri në prill të 2022. 

Diplomati e rimerr këtë post pas largimit të ambasadores Hohmann, e cila doli nga shërbimi diplomatik i Bashkimit Evropian, për t’u rikthyer si pjesë e diplomacisë së Berlinit zyrtar në Irak.

Komisioni Europian e ka konfirmuar lajmin pas interesimit të medias në Tiranë. 

Ambasadori Soreca do të marrë detyrën në datën 1 shtator dhe do të drejtojë Delegacionin e BE-së në Tiranë deri në ardhjen e Shefit të ri të Delegacionit, thuhet në njoftimin përkatës. 

Përvoja dhe njohuritë e tij për vendin dhe rajonin do ta lejojnë atë të përfaqësojë Bashkimin Evropian në ngjarjet e ardhshme në kontekstin e procesit të zgjerimit, specifikon i njëjti njoftim. 

Njëkohësisht Komisioni Europian shpreh falenderime për ambasadoren Christine Hohmann për punën dhe kontributin e saj të jashtëzakonshëm në çuarjen përpara të procesit të anëtarësimit në BE për Shqipërinë”.

Gazetar Bardhi Sejdarasi 

/ rtsh /