Rikthehet çiklokrosi pas 22 vitesh harresë, ndërsa në Farkë, në Parkun Helen, u zhvillua kampionati kombëtar. Habib Llana për kadetë, Ankel Limaja për të rinj, Nelia Kabetaj për të rritura dhe Olsian Veliaj për Elitë dhe U-23 ishin fitues e garës.

“Kam bërë fort në xhiron e parë dhe të dytë. Kam bërë dhe gap-in dhe kam mbajtur ritmin gjithë xhiron dhe ka shkuar mirë deri në fund gara”, shpjegon Kabetaj

“Unë vij nga një përgatitje e mirë nga që kemi bërë shumë gara dhe aktivitete me kombëtaren. Forna fizike ishte shumë e mirë dhe kjo më ndihmoi që ta kaloja dhe këtë terren e të dilja kampion i çiklokrosit”, thotë Veliaj

“Ne kemi bërë shumë stërvitje për të arritur këtë fitore dhe në fakt ishte shumë e vështirë si garë”, tregon Limaja

Presidenti i Federatës Shqiptare të Çiklizmit, Skënder Anxhaku, pasi ka falënderuar të gjithë ata që bën të mundur zhvillimin e kësaj gare, ka patur dhe një thirrje për Ministrinë e Arsimit dhe Sportit.

“Në qoftë se ne do të na mbështesi Kryeministria dhe ta marrë këtë sport e t’i japi një zhvillim siç i takon, apo dhe zhvillim shkollave, ashtu sikurse i ka dhënë basketbollit e volejbollit, çiklokrosi do të zhvillohet në të gjitha qytetet e Shqipërisë”, pohon presidenti Anxhaku.

Në këtë mënyrë çiklizmi mbyll aktivitetet kombëtare për vitin 2023.