“Rruga e Bjeshkëve” në Kukës – Nis puna për zbatimin e projektit financuar nga FZHSH

Në Kolesjan nisën punimet për ndërtimin e Rrugës se Bjeshkëve. Është cilësuar si njeri prej projekteve më të rëndësishme për zhvillimin e turizmit malor por edhe të zonës ku kalon kjo rrugë. Për banorët, kjo rrugë është ajo çfarë kanë pritur prej vitesh.
Kryetari i bashkisë Albert Halilaj e cilësoi një investim të mirë menduar për zhvillimin e një turizmi të qëndrueshëm në Kukës. Ai u shpreh se nuk është larguar vëmendja nga zonat e tjera të cilat do të kenë investime infrastrukturore gjatë 2025.
Për Pandeli Majkon, drejtues politik i PS për qarkun e Kukësit, të tilla projekte janë për brezat dhe nuk kanë të bëjnë me fushata politike.
Ndërsa Fondi i Zhvillimit Shqiptar, projektin në fjalë e shikon më shumë si një master plan turistik dhe kjo rrugë është vetëm fillimi i këtij master plani.
Rruga në fjalë ka një gjatësi 13.9 kilometra, gjerësi traseje 5 metra me një fond 193 milion lekë. Punimet për ndërtimin e kësaj rruge parashikohen të zgjasin për një periudhë 12 mujore.
/RTSH/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




