Presidenti i Ukrainës, Volodymyr Zelensky ka deklaruar se Rusia ka hartuar një plan konkret për të prishur Samitin Global të Paqes që do të mbahet në Zvicër në qershor.

Duke folur në takimin me përfaqësuesit nga shtetet partnere dhe organizatat ndërkombëtare me bazë në Ukrainë, si dhe diplomatë ukrainas, Zelensky tha se Ukraina ka informacione të sakta se si Rusia tenton të “zvogëlojë numrin e vendeve pjesëmarrëse, si të veprojë në mënyrë që të mos ketë paqe”

“Ne kemi informacione të sakta, të dhëna specifike – se Rusia jo vetëm dëshiron të prishë Samitin e Paqes, por gjithashtu ka një plan specifik se si ta bëjë këtë, si të zvogëlojë numrin e vendeve pjesëmarrëse, si të veprojë në mënyrë që të mos ketë paqe… Dhe së bashku ne duhet ta kundërshtojmë këtë, ne duhet të punojmë në unitet për një paqe të drejtë”, citohet të ketë thënë Zelensky.

/rtsh.al/