Sekretari Bardhi reagon pas Kuvendit të PD: Mos e gënjeni veten!

Politikë | 3 vite më parë

Sekretari i Përgjithshëm i Partisë Demokratike, Gazment Bardhi, e ka quajtur “mashtrim” mbledhjen e Kuvendit Kombëtar ditën e shtunë.

Kuvendi miratoi Statutin e ri të PD-së dhe njohu delegatët dhe demokratët e thjeshtë me programin afatgjatë të kryetarit Lulzim Basha.

Por Bardhi e ka kundërshtuar zgjedhjen e Bashës në krye të partisë më 29 korrik, duke e konsideruar atë lider jolegjitim të PD-së.

“Të jetosh në deziluzion, është fatkeqësi personale. Të mashtrosh me vetëdije të tjerët dhe mbi të gjitha veten, për të disatën herë, është e pafalshme!” shkroi Bardhi në rrjetin social X.

Tekstin e tij ai e shoqëroi me një thënie të shkrimtarit rus, Fjodor Dostojevski: “Mbi të gjitha, mos e gënjeni veten.”

Bardhi e ka konsideruar më herët të paligjshëm edhe mbledhjen e Kryesisë apo të Kuvendit Kombëtar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.