Sekuestrohen mbi 82 mijë euro të padeklaruara në Portin e Durrësit dhe mbi 12 mijë në Rinas, në pranga 2 persona

Aktualitet | 3 vite më parë

Janë goditur 2 tentativa për të futur para të padeklaruara në vendin tonë. Policia bën me dije se në Portin e Durrësit janë sekuestruar 82 550, të fshehura në autobusin e linjës “Durrës-Bari-Durrës”. Në pranga janë vënë dy shoferët e autobusit, personat me inicialet G. L., 43 vjeç dhe V. E., 52 vjeç, të dy banues në Elbasan.

Në Rinas u sekuestruan 12 820, të cilat 28-vjeçari me inicialet K.M., tentoi t’i fuste në vendin tonë pa i deklaruar. Paratë u gjetën në çantën e shpinës së të riut, i cili po hetohet në gjendje të lirë.

Materialet procedurale i kaluan Prokurorisë së Durrësit dhe asaj të Tiranës, për veprime të mëtejshme, për veprat penale “Mosdeklarimi në kufi i të hollave dhe i sendeve me vlerë” dhe “Pastrimi i produkteve të veprës penale ose veprimtarisë kriminale”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.