SHBA nën “pushtetin” e të ftohtit ekstrem, të paktën 40 viktima

Botë | 3 vite më parë

SHBA është goditur nga i ftohti ekstrem, ku për pasojë të paktën 40 persona që kanë humbur jetën në nëntë shtete, ndërsa sinoptikanët parashikojnë se një valë e re e ftohtë do të pasojë në ditët në vijim.

Vdekje janë raportuar në Arkansas, Illinois, Kansas, Mississippi, Nju Jork, Oregon, Pensilvani, Tenesi dhe Wisconsin.

Të premten (19 janar) priten reshje të dendura bore nga perëndimi në lindje. Në pjesën jugore të vendit, borë pritet në Nashville, Lexington dhe Charleston, Virxhinia Perëndimore.

Për shkak të ngricave ka ndërprerje të energjisë në veriperëndim. Stuhitë e forta të dimrit kanë shkaktuar gjithashtu situata të vështira në të gjithë vendin, me mbylljen e shkollave dhe mijëra vonesa dhe anulime fluturimesh./ CNN

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.